काठमाडौं । मुक्तिनाथ विकास बैंकले सिन्धु विकास बैंक र जानकी फाइनान्सलाई गाभ्ने भएको छ। मुक्तिनाथ विकास बैंकको भदौ १९ गते बिहान ११ बजे बसेको सञ्चालक समितिको बैठकले दुवै वित्तीय संस्थालाई प्राप्ति (एक्विजिसन) गर्ने निर्णय गरेको हो।

बैंकका अनुसार दुवै संस्थासँग प्राप्तिका लागि भदौ १९ गते नै प्रारम्भिक सम्झौता (एमओयू) मा हस्ताक्षर भइसकेको छ। मुक्तिनाथ विकास बैंकले केही समयअघि वाणिज्य बैंकमा स्तरोन्नति हुन नेपाल राष्ट्र बैंकमा निवेदनसमेत दिएको थियो। सिन्धु विकास बैंक र जानकी फाइनान्सलाई गाभ्ने प्रक्रियाले बैंकको पुँजी तथा व्यवसायको आकार थप विस्तार हुने अपेक्षा गरिएको छ।