मोरङः संसार भरी नै अक्टोबर १ का दिन मनाउने अन्तराष्ट्रिय जेष्ठ नागरिक दिवसका अवसरमा मोरङ जिल्लाको लेटाङ नगरपालिका वडा न. ५ को जनसेवा युवा क्लबले बिहीबार जेष्ठ नागरिकको सम्मान कार्यक्रम सम्पन्न गरेको छ । विगत ६ वर्षबाट निरन्तर कार्यक्रम गरेको क्लबले सेवा क्षेत्रका ५० जना जेष्ठ नागरिकहरुलाई सो अवसरमा सम्मान गरेको हो । कार्यक्रममा उपस्थित हुन नसकेका जेष्ठ नागरिकहरुलाई घर(घरमा पुगेर समेत सम्मान गरिएको हो ।

जेष्ठ नागरिक समाजका धरोहर र इतिहासका साक्षी भएका र अहिलेको समयमा घर परिवारबाटै उपेक्षित हुने समस्या रहेकाले यसलाई निराकरण गर्न क्लबले सचेत गराउन कार्यक्रम आयोजना गरेको हो । क्लबले जेष्ठ नागरिकका विविध समस्याको समाधानमा समेत सदैब प्रतिवद्ध हुने जनाएको छ ।