सुनको मूल्य नयाँ रेकर्ड, एकैदिन तोलामा १३ सय बढ्यो

प्रकाशित मिति

२०७७ श्रावण ७ गते, बुधबार ०२:१२

काठमाडौं । नेपाली बजारमा सुनको मूल्य आकाशिने क्रम रोकिएको छैन । बुधबार छापावाल सुन तोलामा ९४ हजार रुपैयाँमा कारोबार भइरहेकोे छ । यो मंगलबारको तुलनामा १३ सय रुपैंयाले बढी हो ।

मंगलबार छापावाल सुन ९२ हजार ७०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । बुधबार तेजावी सुनको मूल्य प्रतितोला ९३ हजार ५६० कायम गरिएको छ ।

सुनसँगै बुधबार चाँदीको मूल्य पनि वृद्धि भएको छ । मंगलबार १०४० रुपैयाँमा कारोबार भएको चाँदी बुधबार ११३५ रुपैयाँमा कारोबार भइरहेको महासंघले जनाएको छ ।