काठमाडौं, प्रमुख प्रतिपक्षी नेपाली कांग्रेसले रोल्पामा भएको बम बिस्फोटको घटना तत्काल अनुसन्धान गर्न माग गरेको छ । कांग्रेसले शुक्रबार विज्ञप्ति जारी गर्दै बम बिस्फोटको घटनाको गहिरो अनुसन्धान गरी कारबाही प्रक्रिया अघि बढाउन सरकारसँग माग गरेको हो।

बिहीबार रोल्पाको त्रिवेणी गाउँपालिकामा बम बिस्फोट हुँदा ११ वर्षीया विमला खत्री, पाँच वर्षीय विजय खत्री, १३ वर्षीय गौरव नेपाली र १४ वर्षीय नोखीराम डाँगीको मृत्यु भएको थियो ।

विज्ञप्तिमा उक्त घटनाको गहिरो अनुसन्धान गर्न सरकार समक्ष माग गर्दैै भनिएको छ– ‘जहाँ कहीं पनि होलान् यस्ता बेवारिसे अवस्थाका बमलाई खोज अनुसन्धान गरेर निष्क्रिय पारी नागरिक जीवनलाई सुरक्षित गर्ने कर्तव्यमा गम्भीर बन्न नेपाली कांग्रेस सरकारको ध्यानाकर्षण गराउन चाहन्छ ।’