सुडान ,सुडानको डार्फर क्षेत्रमा सैनिक विमान दुर्घटना हुँदा कम्तिमा पनि १८ जनाको मृत्यु भएको छ । वेस्ट डार्फर राज्यमा भएको सो दुर्घटनामा मृत्यु हुनेमध्ये चार जना बालबालिका समेत रहेका छन् ।प्रान्तीय राजधानीबाट उडेको पाँच मिनेटमा नै विमान दुर्घटनामा परेको थियो ।सो विमानले जातीय समूहबीच हिंसात्मक द्वन्द्व चर्किएका क्षेत्रमा राहत प्रदान गरिरहेको थियो ।

सैनिक प्रवक्ता मोहम्मद अल हसनले मृत्यु हुनेमा चालक दलका सात जना सदस्यका साथै तीन जना न्यायाधीश र आठ जना सर्वसाधारण रहेको जानकारी दिएका छन् विमान के कारण दुर्घटनामा परेको हो भन्ने विवरण हालसम्म यकिन हुन सकेको छैन । दुर्घटनाको कारण खोजी भइरहेको हसनले बताएका छन् वेस्ट डार्फरमा भड्किएको पछिल्लो जातीय हिंसामा परी एक सातमा मात्रै ४८ जनाको मृत्यु भएको छ भने अन्य २ सय ४१ जना घाइते भएका छन् ।