मुग्लिन–नारायणगढ सडकमा लेदोसहितको पहिरो, एकतर्फी यातायात अवरुद्ध
प्रकाशित मिति
२०८३ आश्विन २ गते, शुक्रबार ०९:१०
२ असोज २०८३ काठमाडौं — मुग्लिन–नारायणगढ सडक खण्डको १५ किलोमा लेदोसहितको पहिरो खस्दा सडक एकतर्फी अवरुद्ध भएको छ। सडक डिभिजन कार्यालय भरतपुरका अनुसार शुक्रबार बिहान साढे ७ बजेदेखि सडकमाथिबाट लेदो खसेपछि यातायात एकतर्फी सञ्चालन भइरहेको हो।
लेदो पन्छाउने काम भइरहेको र सडक दुईतर्फी सञ्चालनमा ल्याउन करिब एकदेखि डेढ घण्टा लाग्ने अनुमान गरिएको सडक डिभिजन भरतपुरले जनाएको छ।
पहिरोका कारण सडकमा सवारीसाधनको आवागमन प्रभावित भएकाले यात्रुलाई सावधानी अपनाउन आग्रह गरिएको छ।
प्रतिकृया