२५ असार २०८३ काठमाडौं –  त्रिपुरेश्वरस्थित राहदानी विभागको कार्यालय अगाडि एक पुरुषले आत्मदाहको प्रयास गरेका छन्। जिल्ला प्रहरी परिसर काठमाडौंका एसपी पवनकुमार भट्टराईका अनुसार ती पुरुषले आफ्नै शरीरमा पेट्रोलियम पदार्थ खन्याएर आगो लगाएका थिए।

घटनापछि प्रहरीले तत्काल उद्धार गरी उनलाई उपचारका लागि वीर अस्पताल पठाएको छ। उनको अवस्था बारे विस्तृत विवरण सार्वजनिक गरिएको छैन।

प्रहरीका अनुसार घाइते पुरुषको परिचय अझै खुल्न सकेको छैन। उनले आत्मदाहको प्रयास किन गरे भन्ने विषयमा पनि अनुसन्धान भइरहेको छ। घटनाबारे थप अनुसन्धान जारी रहेको प्रहरीले जनाएको छ।