११ भदौ २०८३ काठमाडौं – रसुवास्थित भोटेकोशीमा आएको बाढीमा परी मृत्यु भएका व्यक्तिको शवबाट कानको मुन्द्रा निकाल्ने दुई जनालाई प्रहरीले पक्राउ गरेको छ।शवबाट कानको मुन्द्रा निकालिरहेको भिडियो सामाजिक सञ्जालमा भाइरल भएपछि प्रहरीले घटनामा संलग्न व्यक्तिको खोजी सुरु गरेको थियो। अनुसन्धानका क्रममा उनीहरूको पहिचान गरी जिल्ला प्रहरी कार्यालय चितवनले दुई जनालाई पक्राउ गरेको हो।

पक्राउ पर्नेमा नवलपरासीको विनय त्रिवेणी नगरपालिका–१ घर भई चितवन बस्दै आएका २५ वर्षीय मदन गुरुङ र सुनसरी घर भई चितवन बस्दै आएका ३८ वर्षीय उमेश चौधरी रहेका छन्। प्रहरीका अनुसार पक्राउ परेका दुवै जनामाथि घटनाबारे थप अनुसन्धान भइरहेको छ।