११ भदौ २०८३ काठमाडौं – रसुवाको टिमुरे आसपासमा आएको भीषण बाढीका कारण एनएमबि बैंक लिमिटेडको टिमुरे शाखामा कार्यरत चार कर्मचारी सम्पर्कविहीन भएका छन्। बैंकका अनुसार भदौ १० गते बिहान करिब ८ः४५ बजे टिमुरे क्षेत्रमा बाढी आएपछि शाखामा कार्यरत धर्मराज रिमाल, नवीन गौतम, सुभाष रावल र अर्जुन पण्डित हालसम्म सम्पर्कमा आएका छैनन्।

बैंकले उनीहरूलाई कसैले देखेको, भेटेको वा अवस्थाबारे कुनै जानकारी पाए तत्काल बैंकलाई खबर गर्न आग्रह गरेको छ।

जानकारी भए एनएमबि बैंकका ९८४९३८०८१८, ९८१८५००२१६ वा ०१–५९७०१५० मा सम्पर्क गर्न अनुरोध गरिएको छ।