४ असार २०८३ काठमाडौं – मनसुन सुरु हुन लागेका बेला विपद् पूर्वतयारी तथा व्यवस्थापनका विषयमा छलफल गर्न राष्ट्रिय विपद् जोखिम न्यूनीकरण तथा व्यवस्थापन प्राधिकरणको बैठक बसेको छ। बैठकमा गृहमन्त्री सुधन गुरुङ सहभागी छन्। साथै गृहसचिव राजकुमार श्रेष्ठ तथा विभिन्न सुरक्षा निकायका प्रमुखहरूको पनि उपस्थिति रहेको छ।

बैठकमा मनसुनका क्रममा हुन सक्ने बाढी, पहिरो, डुबानलगायत प्राकृतिक विपद्को जोखिम न्यूनीकरण, पूर्वतयारी, उद्धार तथा राहत व्यवस्थापनका विषयमा छलफल भइरहेको बताइएको छ।

मनसुन सुरु हुन केही दिन मात्र बाँकी रहेकाले सम्भावित विपद्को प्रभाव न्यूनीकरण गर्न आवश्यक जनशक्ति, स्रोत–साधन व्यवस्थापन तथा सम्बन्धित निकायबीचको समन्वयलाई प्रभावकारी बनाउने विषयमा बैठक केन्द्रित रहेको जनाइएको छ।