४ असार २०८३ काठमाडौं – राष्ट्रिय स्वतन्त्र पार्टी (रास्वपा) ले आफ्नो आगामी महाधिवेशनमा नेपाली कांग्रेसका सभापति गगन थापा र नेकपा (एमाले) का अध्यक्ष केपी शर्मा ओलीलाई विशिष्ट अतिथिका रूपमा निमन्त्रणा गरेको छ। रास्वपाका अनुसार असार ७ देखि ९ गतेसम्म चितवनमा आयोजना हुने महाधिवेशनका लागि दुवै नेतालाई औपचारिक निमन्त्रणापत्र पठाइएको छ।

रास्वपाले जनाएको अनुसार गगन थापा र केपी शर्मा ओली दुवै पक्षसम्म निमन्त्रणापत्र पुगिसकेको छ। तर महाधिवेशनमा सहभागी हुने वा नहुने भन्ने विषयमा भने अझै अन्तिम निर्णय भइसकेको छैन।

थापा र ओली निकट सचिवालय स्रोतका अनुसार महाधिवेशनमा उपस्थित हुनेबारे आन्तरिक छलफलपछि निर्णय लिइनेछ।रास्वपाको महाधिवेशनलाई पार्टीको आगामी राजनीतिक दिशा, संगठन विस्तार तथा नेतृत्व चयनका दृष्टिले महत्त्वपूर्ण रूपमा हेरिएको छ।