काठमाडौं । नेपाल स्टक एक्सचेञ्ज (नेप्से) परिसूचक साताको अन्तिम कारोबार दिन ४ अंकले घटेको छ। शुक्रबार नेप्से ४ अंकले ओरालो लाग्दै २७२४.०३ बिन्दुमा बन्द भएको हो।

आज ३४२ कम्पनीका ९८ लाख २४ हजार कित्ता शेयर किनबेच हुँदा कुल ४ अर्ब ३२ करोड रुपैयाँभन्दा बढीको कारोबार भएको नेप्सेले जनाएको छ।

कारोबारका क्रममा १३ उपसमूहमध्ये ४ उपसमूहको परिसूचकमा सुधार देखिएको छ भने ९ उपसमूह राताम्मे भएका छन्। यसदिन ९२ कम्पनीको शेयर मूल्य बढ्दा १६७ कम्पनीको मूल्य घटेको छ। १२ कम्पनीको शेयर मूल्य भने स्थिर रहेको छ।

परिसूचक सामान्य घटे पनि कारोबार रकम भने ४ अर्ब रुपैयाँभन्दा माथि कायम रहँदा बजारमा लगानीकर्ताको सक्रियता कायम रहेको देखिएको छ।