६ जेठ २०८३ काठमाडौं – राष्ट्रिय स्वतन्त्र पार्टी की सांसद आशिका तामाङले पार्टीका सांसद कृष्णकुमार कार्की माथि लागेको आरोपबारे निष्पक्ष छानबिन गर्न माग गरेकी छन् । एक नाइजेरियन युवतीलाई गर्भवती बनाएर अलपत्र पारेको आरोप सार्वजनिक भएपछि तामाङले सामाजिक सञ्जालमार्फत सत्यतथ्य अनुसन्धान हुनुपर्ने बताएकी हुन् ।

उनले महिला स्वदेशी वा विदेशी भए पनि न्याय पाउनुपर्ने उल्लेख गर्दै गलत काम गर्ने व्यक्ति आफ्नै पार्टी वा घरको सदस्य भए पनि गलतलाई गलत भन्नुपर्ने धारणा राखिन् । पछिल्लो समय उक्त प्रकरणलाई लिएर सामाजिक सञ्जालमा भिडियो तथा विभिन्न प्रमाण सार्वजनिक भएपछि चौतर्फी चर्चा भइरहेको छ ।