६ जेठ २०८३ काठमाडौं – निर्वाचन आयोग ले प्रतिनिधि सभा सदस्य निर्वाचन–२०८२ को खर्च विवरण सार्वजनिक गरेको छ । आयोगका अनुसार निर्वाचनका लागि नेपाल सरकारबाट प्राप्त ६ अर्ब ७१ करोड ९२ लाख रुपैयाँमध्ये ४ अर्ब ९६ करोड ७८ लाख रुपैयाँ खर्च भएको छ ।

आयोगले कुल १ करोड ८९ लाख ३ हजार ६ सय ८९ मतदातालाई आधार मान्दा प्रति मतदाता औसत २ सय ६३ रुपैयाँ खर्च भएको जनाएको छ । निर्वाचन सञ्चालन (आर्थिक व्यवस्थापन) कार्यविधि, २०८२ अनुसार सार्वजनिक गरिएको विवरणमा बजेट निकासा, खर्च, राजस्व र धरौटीसम्बन्धी जानकारी समावेश गरिएको छ ।

आयोगले निर्वाचनलाई स्वच्छ, स्वतन्त्र, निष्पक्ष, विश्वसनीय र मितव्ययी रूपमा सम्पन्न गर्न सहयोग गर्ने कर्मचारी, सुरक्षाकर्मी तथा सरोकारवालाप्रति धन्यवाद समेत व्यक्त गरेको छ ।