६ फाल्गुन, २०८२ काठमाडौं – जल तथा मौसम विज्ञान विभागले हाल नेपालमा पश्चिमी वायुको आंशिक प्रभाव रहेको जानकारी दिएको छ। तराईका केही स्थानमा तुवाँलो लागेको छ भने गण्डकी, कर्णाली र सुदूरपश्चिम प्रदेशका उच्च पहाडी र हिमाली भू-भागमा आंशिक बादल देखिएको छ। बाँकी भू-भागको मौसम मुख्यतया सफा रहेको विभागले जनाएको छ।

आज दिउँसो तराई भू-भागमा बिहानको समयमा कुहिरो/हुस्सु रहने सम्भावना छ। गण्डकी, कर्णाली र सुदूरपश्चिमका पहाडी–हिमाली भू-भागमा साधारणतया बादल लाग्नेछ भने केही उच्च हिमाली स्थानमा हल्का वर्षा वा हिमपात हुनसक्ने विभागले चेतावनी दिएको छ।

राती तराईका थोरै स्थानमा तुवाँलो रहनेछ भने बाँकी उच्च पहाडी र हिमाली भू-भागमा आंशिक बादल लाग्ने र बाँकी भू-भागको मौसम मुख्यतया सफा रहने अपेक्षा गरिएको छ।