१० माघ,२०८२ काठमाडौं – नेकपा एमालेका नेता सुरेन्द्र पाण्डेले निर्वाचनको संवेदनशील समयमा पार्टी नेतृत्वका अभिव्यक्तिले कार्यकर्ताको मनोबल खस्किन सक्ने भन्दै कडा टिप्पणी गरेका छन् ।

टिकट वितरणको विषयमा अध्यक्ष केपी शर्मा ओलीले दिएको अभिव्यक्तिलाई लक्षित गर्दै पाण्डेले यस्तो बेला पार्टीलाई एकढिक्का बनाउनु नेतृत्वको प्रमुख जिम्मेवारी भएको बताएका छन् । उनले सार्वजनिक टिप्पणीहरूले आफ्नै सहयोद्धाहरूलाई कमजोर बनाउने खालका हुन नहुने धारणा राखे ।

पाण्डेले टिकट वितरणसम्बन्धी निर्णय पार्टी हितका लागि स्वीकार गरिसकेको स्पष्ट पार्दै अहिले आफू एमाले उम्मेदवारहरूलाई जिताउन सक्रिय रूपमा लागेको बताए । यसअघि ओलीले जित सुनिश्चित नभएका कारण केही प्रभावशाली नेतालाई टिकट नदिएको टिप्पणी गरेका थिए ।