कात्तिक  १६, २०८२ काठमाडौं— नेपाल शेयर बजारमा पछिल्लो समय सुधारको संकेत देखिन थालेको छ। साताको पहिलो कारोबार दिन नेप्से ३०.७५ अंकले बढेर २६३१.१४ बिन्दुमा पुगेको छ।

आज ३१९ कम्पनीका २ करोड ९७ लाख ३८ हजार कित्ता सेयर किनबेच हुँदा ९ अर्ब २० करोड रुपैयाँभन्दा बढीको कारोबार भएको छ। बजारमा १२ उपसूचक हरियो रहे, जसमा फाइनान्स समूह ५.१७ प्रतिशत र जीवन बीमा समूह ४.३५ प्रतिशत ले अगुवाइ गरे। वाणिज्य बैंक, विकास बैंक र होटल पर्यटन समूहमा पनि सामान्य वृद्धि देखिएको छ।

विशेषज्ञहरूका अनुसार ब्याजदरमा गिरावट, राष्ट्र बैंकका लचक नीतिहरू र लगानीकर्ताको मनोबलले बजार सुधारतर्फ उन्मुख भएको हो। यद्यपि राजनीतिक अनिश्चितताले अझै केही दबाब कायम रहेको विश्लेषण गरिएको छ।