बञ्चरेडाँडा फोहोर विवाद समाधानका लागि सरकार वार्तामा

प्रकाशित मिति

२०८२ कार्तिक १४ गते, शुक्रबार ०३:१३

कात्तिक १४, २०८२ काठमाडौं— १८ बुँदे सहमति कार्यान्वयन नभएको भन्दै बञ्चरेडाँडामा फोहोर विसर्जन रोकिएपछि सहरी विकास मन्त्रालयले सरोकारवालासँग वार्ताको पहल गरेको छ। शुक्रबार मन्त्रालयमा धुनीवेशी नगरपालिका र ककनी गाउँपालिकाका जनप्रतिनिधि, वडाअध्यक्ष र स्थानीय अगुवासँग छलफल हुँदैछ।

स्थानीयले काठमाडौं महानगरपालिकाले सहमति नमानेको भन्दै बुधबारदेखि फोहोर बोक्ने गाडी फर्काइरहेका छन्। २०७९ जेठ २६ गते भएको १८ बुँदे सहमति कार्यान्वयन नभएको भन्दै उनीहरू आन्दोलनमा उत्रिएका हुन्।