असोज २९,२०८२ काठमाडौं- नेपाल राष्ट्र बैंकले आइतबार बैंकिङ प्रणालीबाट ३५ अर्ब रुपैयाँ झिक्ने भएको छ। केन्द्रीय बैंकले तरलता व्यवस्थापनको अल्पकालीन उपकरण अन्तर्गत निक्षेप संकलन (Deposit Collection) मार्फत चार दिनका लागि सो रकम झिक्ने तयारी गरेको हो।

राष्ट्र बैंकले आज (बुधबार) मध्यान्ह ३ बजेबाट अनलाइन बिडिङ सिस्टम मार्फत बोलकबोल खुला गर्ने जनाएको छ। बैंक तथा वित्तीय संस्थाहरूले न्यूनतम १० करोड रुपैयाँ र अधिकतम ५ करोड रुपैयाँको गुणात्मक अंशमा भाग लिने गरी बोलकबोलमा सहभागी हुन सक्नेछन्।

यस निक्षेप संकलनको साँवा तथा ब्याज कात्तिक २ गते भुक्तानी गरिने राष्ट्र बैंकले स्पष्ट पारेको छ। यस प्रक्रियामा राष्ट्र बैंकबाट इजाजतप्राप्त क, ख, र ग वर्गका बैंक तथा वित्तीय संस्थाहरूले मात्र सहभागिता जनाउन पाउने छन्।