नेपाल राष्ट्र बैंकले एक रुपैयाँ अंकित मूल्यका ४० करोड थान सिक्का उत्पादनका लागि अन्तर्राष्ट्रिय बोलपत्र आह्वान गरेको छ।राष्ट्र बैंकअन्तर्गतको मुद्रा व्यवस्थापन विभागले सिक्काको डिजाइन, उत्पादन, आपूर्ति तथा ढुवानी समेतको जिम्मेवारी समेटेर बोलपत्र प्रक्रिया अघि बढाएको हो।

बोलपत्रमा राष्ट्र बैंकबाट प्राविधिक तथा अन्य आवश्यक मापदण्ड पूरा गरी योग्य सूचीमा परेका विदेशी सुरक्षा मुद्रण तथा सिक्का उत्पादक कम्पनीले मात्र सहभागिता जनाउन पाउनेछन्। योग्य कम्पनीमा चीन, बेलायत, जर्मनी, रुस, फ्रान्स र पोल्यान्डका कम्पनीहरू रहेका छन्।

बोलपत्र कागजातका लागि २० हजार रुपैयाँ शुल्क तोकिएको छ। पूर्वबोलपत्र बैठक अक्टोबर १५ गते दिउँसो १२ बजे हुनेछ भने बोलपत्र बुझाउने अन्तिम म्याद नोभेम्बर ३ गते दिउँसो १२ बजे सम्म रहेको छ। प्राप्त बोलपत्र सोही दिन दिउँसो १ बजे खोलिनेछ।

प्रतिस्पर्धामा सहभागी कम्पनीले कम्तीमा १ लाख ४८ हजार अमेरिकी डलरको बोलपत्र जमानत पेश गर्नुपर्नेछ। बोलपत्र १२० दिनसम्म मान्य रहनेछ