श्रावण २ ,२०८२ काठमाडौं । नेकपा एमालेको पोलिटब्यूरो बैठक शुक्रबार च्यासलस्थित केन्द्रीय कार्यालयमा सुरु भएको छ। बैठकमा सचिवालय बैठकले तय गरेका विधान संशोधनसम्बन्धी एजेन्डामाथि छलफल भइरहेको छ।

बिहीबार बसेको सचिवालय बैठकले ७० वर्षे उमेरहद, दुई कार्यकालको सीमा, पदाधिकारीको संख्या र विधान महाधिवेशन प्रतिनिधिसम्बन्धी व्यवस्था परिवर्तनको प्रस्ताव गरेको थियो।

पोलिटब्यूरो बैठकले ती प्रस्तावहरू छलफल गरी पारित गरेपछि साउन ५ गते बस्ने केन्द्रीय कमिटी बैठकमा पेस गरिनेछ। अन्तिम निर्णय भने आगामी भदौ २०–२२ मा गोदावरीमा हुने विधान महाधिवेशनबाट हुनेछ।