चैत्र २८, २०८१ ललितपुर : कोन्ज्योसोम गाउँपालिकाले शङ्खुुमा निर्माण गरिएको गाउँपालिकास्तरीय आधारभूत अस्पताल हस्तान्तरण तथा उद्घाटन भव्यरुपमा सम्पन्न गरेको छ । बागतमी प्रदेश सरकारका स्वास्थ्य मन्त्री किरण थापा मगरले बुधबार अस्पताल भवनको उद्घाटन गर्नुभएको हो ।

भवन उद्घाटन गर्दै उहाँले गाउँपालिकास्तरीय अस्पताल निर्माण भएसँगै कोन्ज्योसोमबासीले स्थानीय स्त्तरबाटै स्वास्थ्य सेवा सहज र सर्वसुलभरुपमा प्राप्त गर्ने विश्वास व्यक्त गर्नुभयो । उहाँले बागमती प्रदेश सरकारले स्वास्थ्य क्षेत्रमा उल्लेख्य कार्य गरेको स्मरण गर्दै उहाँले आगामी दिनमा अस्पताललाई आवश्यक स्वास्थ्य उपकरण, औषधी, स्वास्थ्य जनशक्ति लगायतका भौतिक पूर्वाधारको काममा बागमती प्रदेश सरकारले आवश्यक समन्वय र सहजिकरण गरिरहने बताउनुुभयो ।

सो अवसरमा गाउँपालिकाका अध्यक्ष कृष्णमान लामाले गाउँपालिकाले आधारभूत पालिकास्तरीय अस्पताल निर्माण कार्यमा आफूू निर्वाचित भएदेखि नै निरन्तर क्रियाशिल भएर लागि रहेको र अब गाउँबासीले सहज रुपमा स्वास्थ्य सेवा प्राप्त गर्ने बताउनुुभयो ।

सो अवसरमा बागमती प्रदेशका प्रदेश सभा सदस्य, जिल्ला समन्वय समितिका प्रमुख, उपप्रमुख ,गाउँपालिका उपाध्यक्ष, वडाध्यक्ष, ,निवर्तमान अध्यक्ष, उपाध्यक्ष विभिन्न कार्यालयका प्रतिनिधि, राजनीतिक दलका प्रतिनिधि,स्वास्थ्य संस्थाका प्रतिनिधिको उल्लेख्यरुपमा सहभागिता रहेको थियो ।

हरेक स्थानीय तहमा पाँच, दश र पन्ध्र बेडको आफ्नै पालिकास्तरीय अस्पताल बनाउने सरकारको योजना अनुसार कोन्ज्योसोम गाउँपालिकाले आधारभूूत अस्पताल निर्माण गरेको हो ।