भदौ ८, २०८० एजेन्सी : महिला टि–२० आई सिरिजमा नेपाल र मलेसियाबीचको खेल वर्षाको कारण रोकिएको छ । मलेसियाको बायोमास ओभलमा टस हारेर पहिला ब्याटिङ थालेको नेपालले ४.४ ओभरमा १ विकेट गुमाउँदै २३ रन बनाएको छ । नेपालकी ओपनर काजल श्रेष्ठ १५ रनमा नटआउट छिन् । उनीसँगै क्रिजमा इन्दु बर्मा रहेकी छन् । बर्माले ७ रन बनाएकी छिन् ।

ओपनर पुजा महतो भने एक रनमा नै एलबीडब्लू आउट भएकी थिईन् । नेपालले पहिलो खेलमा हङकङलाई ६ विकेट र दोस्रो खेलमा कुवेतलाई ३४ रनले हराएको थियो । नेपाल २ खेलमा ४ अंकका साथ शीर्ष स्थानमा छ । आजको खेलमा विजयी भएमा नेपाल अपराजित रहँदै फाइनल खेल्नेछ ।

हङकङ पनि ३ खेलमा ४ अंकका साथ दोस्रो स्थानमा छ । आज नेपाल पराजित भएमा तीन टोलीको समान ४ अंक हुनेछ र नेटरनरेटको आधारमा माथि रहेको टोलीले फाईनलको यात्रा तय गर्नेछ ।