काठमाडौं । भारतीय यात्रुले विमानभित्रै कुटाकुट गरेका छन् । थाइल्याण्डको बैंककबाट भारतको कोलकाता उडान भरेको विमानमा भारतीय यात्रुबीच विमानभित्रैै कुटाकुट भएको हो ।

स्माइल एयरवेजको विमानमा सँगै बसेका यात्रु मध्ये एकले अर्कोलाई शान्त रहन र सिटबाट हात तल झार्न गरेको आग्रह विवादमा पुगेपछि कुटाकुट भएको हो । घटना लगत्तै एयर होस्टेजले ति यात्रुहरुलाई सिटमा बस्न र झगडा नगर्न आग्रह गरेपनि नमानेपछि विमानका अन्य यात्रुले आपत्ति जनाएका थिए ।

विमान कोलकतामा अवतरण गरे लगत्तै झगडा गर्नेहरुलाई प्रहरीले नियन्त्रणमा लिएको खबरहरुमा उल्लेख छ ।