२९ मंसिर, २०७८ काठमाडौं : दोस्रोपटक कांग्रेस सभापतिमा निर्वाचित शेरबहादुर देउवाको कार्यकालमा नेता खाँणले देउवा नेपाली राजनीतिका परिपक्व नेता भएको बताएका छन् ।

पार्टीको १४ औँ महाधिवेशनबाट देउवा सभापतिमा पुनः निर्वाचित भएपछि पत्रकारसँग कुरा गर्दै लोकतन्त्र सुदृढ हुने र पार्टीलाई अझ सक्षम र सुदृढ बनाउने उनी निकटस्थ नेता एवं गृहमन्त्री बालकृष्ण खाँणले टिप्पणी गरे ।

‘प्रजातान्त्रिक शक्ति हासिल गरेर उहाँ सभापतिमा निर्वाचित हुनु भएको छ । पार्टी सहमति र सहकार्यमै अगाडि बढ्छ । उहाँको नेतृत्वमा स्थानीय, प्रदेश र संघको निर्वाचन हुन्छ । त्यसका लागि तयारी हुनेछ,’ उनले भने ।

कांग्रेसलाई अझ सुदृढ र क्रियाशील बनाएर लैजाने अभिभारा रहे पनि आफूहरूमा केही व्यवस्थापकीय कमीकमजोरी रहेको स्वीकार गर्दै खाँणले त्यस्ता कमीकमजोरी सुधार गर्दै लगिने बताए ।