रानीपोखरी २०७२ सालको भूकम्पका कारण भत्किएको थीयो । पुनःनिर्माण गर्न लाग्दा केही समयअघि विवाद पनि देखिएको तर अहिले भक्तपुरका कामदार पुगे पछि काम भइरहेको छ । सुरुमा त्यहा पुग्दा घाँस र गन्हाउने फोहोर रहेको कामदार शर्मिला नापितले बताईन
राजा प्रताप मल्लको पालामा बनेको शैलीमा पोखरी बनाउन भक्तपुरको सिद्धपोखरी र भाजुपोखरी निर्माणको काम हेरेपछि उतैको प्राविधिक सहयोग लिइएको हो । माटोको पिँधबाट पानी बस्छ, बस्दैन भन्ने थाहा पाउन बनाएको नमुना पोखरीमा पानी जमेपछि त्यहीअनुसार बनाउन थालिएको छ ।
पोखरी र पर्खालका लागि नौ करोड ९७ लाख रुपियाँ बजेट छ । जसमध्ये हालसम्म एक करोड ४२ लाख रुपियाँ खर्च भएको छ । अब आउने तिहारसम्म पोखरीमा पानी राख्ने योजना प्राधिकरणको रहेको छ । भाइटिका सम्म निर्माण सम्पन्न गरीने बताइएको हो ।
आजको गोरखापत्रबाट साभार