काठमाडौं । प्रधानमन्त्री बालेन्द्र शाहले सरकारको कार्यसम्पादन प्रभावकारी बनाउन सचिवालय र मन्त्रिपरिषद् हेरफेरको तयारी थालेका छन्।स्रोतका अनुसार सरकारको सय बुँदे कार्ययोजनाको समीक्षा, मन्त्रीहरूको कार्यसम्पादन मूल्यांकन र पछिल्लो राजनीतिक अवस्थालाई ध्यानमा राख्दै पुनर्गठनको गृहकार्य अघि बढाइएको हो।

प्रधानमन्त्री तथा मन्त्रिपरिषद् कार्यालयले विभिन्न मन्त्रालयबाट कार्यसम्पादन विवरण संकलन गरिरहेको छ। प्राप्त प्रतिवेदनका आधारमा कमजोर कार्यसम्पादन भएका मन्त्रीहरूको जिम्मेवारी परिवर्तन हुन सक्ने बताइएको छ।

यद्यपि सचिवालय तथा मन्त्रिपरिषद् हेरफेरबारे सरकारले हालसम्म कुनै औपचारिक निर्णय सार्वजनिक गरेको छैन।