१८ जेठ २०८३ काठमाडौं – प्रतिनिधिसभा बैठकमा आइतबार भएको तनावपूर्ण अवस्थापछि संसद सचिवालयले सभामुखको आसन र सांसद बस्ने फ्लोरबीचको दूरी बढाएको छ। संसद सचिवालयका सहसचिव तथा प्रवक्ता एकराम गिरीका अनुसार फ्लोरको अगाडिको दुई रो हटाएर सभामुखको आसनसम्म पुग्ने दूरी बढाइएको हो।

आइतबार प्रतिनिधिसभा नियमावली पारित गर्ने विषयमा विवाद हुँदा विपक्षी सांसदहरूले वेल घेराउ र नाराबाजी गरेका थिए। त्यसक्रममा केहीबेर घम्साघम्सीसमेत भएको थियो।

असहज अवस्था सिर्जना भएपछि सभामुख डिपी अर्यालले मर्यादापालकको घेराभित्र बसेर सदन सञ्चालन गरेका थिए।