७ जेठ २०८३ काठमाडौं – राष्ट्रिय स्वतन्त्र पार्टीका सांसद केपी खनालले हुम्ला र बाजुराको सीमा विवाद तत्काल समाधान गर्न सरकारको ध्यानाकर्षण गराएका छन् । बिहीबार प्रतिनिधिसभाको आकस्मिक समयमा उनले रानीसैन सीमा क्षेत्रमा देखिएको विवाद समाधान गर्दै नागरिकको सुरक्षा सुनिश्चित गर्न माग गरेका हुन् ।

सांसद खनालले सो क्षेत्रमा जडीबुटी र वन्यजन्तुको अवैध चोरी–तस्करी भइरहेको भन्दै प्रहरी चौकी स्थापनामा समेत अवरोध र जनप्रतिनिधिमाथि दुर्व्यवहार भएको आरोप लगाए । उनले स्थानीय तह र पर्यटन प्रवर्द्धनका कामलाई सहज बनाउन सरकारको गम्भीर ध्यान जानुपर्ने बताए ।