काठमाडौं । वालेन्द्र शाह नेतृत्वको सरकारले दुई दिनको अवधिमा ५ वटा अध्यादेश जारी गर्न रामचन्द्र पौडेल समक्ष सिफारिस गरेको छ। वैशाख १४ र १५ गते गरी विभिन्न अध्यादेश सिफारिस गरिएको हो। सिफारिस गरिएका अध्यादेशमा संवैधानिक परिषद् सम्बन्धी ऐन संशोधन, सहकारी ऐन संशोधन, स्वास्थ्य विज्ञान प्रतिष्ठान सम्बन्धी, केही नेपाल कानुन संशोधन तथा विश्वविद्यालयसम्बन्धी अध्यादेश रहेका छन्।

यस विषयमा प्रमुख प्रतिपक्षी नेपाली कांग्रेस, नेकपा एमाले, नेपाली कम्युनिस्ट पार्टी र राष्ट्रिय प्रजातन्त्र पार्टीका नेताहरूबीच सिंहदरबारस्थित संसदीय दलको कार्यालयमा छलफल भएको थियो।

बैठकपछि जारी विज्ञप्तिमा दुई दिनमै पाँच अध्यादेश सिफारिस गरिएको उल्लेख गरिएको छ।