७ बैशाख २०८३ काठमाडौं –  देशभर पछिल्लो समय महँगी बढ्दै जाँदा सर्वसाधारणको दैनिक जीवन प्रभावित भएको छ। खाद्यान्न, तरकारी, खाने तेल र इन्धनको मूल्य वृद्धि तथा ढुवानी खर्च बढ्दा उपभोक्ता थप दबाबमा परेका छन्।

नेपाल राष्ट्र बैंक का अनुसार वार्षिक मुद्रास्फीति करिब ३.६२ प्रतिशत पुगेको छ, तर बजारमा वास्तविक मूल्य वृद्धि अझ उच्च रहेको उपभोक्ताहरूको गुनासो छ।

विशेषगरी तरकारी, तेल र फलफूलको मूल्य तीव्र रूपमा बढेको छ भने इन्धन मूल्यवृद्धिले ढुवानी खर्च बढाएर महँगी झन् चर्काएको छ। पछिल्लो समय अन्तर्राष्ट्रिय बजार र इन्धन संकटका कारण महँगी थप बढ्ने संकेत समेत देखिएको छ।

विज्ञहरूले महँगी नियन्त्रणमा प्रभावकारी कदम नचालिए आगामी दिनमा आर्थिक संकट अझ गहिरिन सक्ने चेतावनी दिएका छन्।