१९ चैत,२०८२ काठमाडौं – राष्ट्रिय स्वतन्त्र पार्टी (रास्वपा)ले उपसभापति डीपी अर्याललाई सभामुखको उम्मेदवार बनाउने निर्णय गरेको छ। बिहीबार सिंहदरबारमा बसेको संसदीय दलको बैठकले अर्याललाई पार्टीको तर्फबाट सभामुख पदका लागि उम्मेदवार बनाउने निर्णय गरेको प्रवक्ता मनिष झाले जानकारी दिए।

बैठकमा सभापति रवि लामिछाने ले अर्यालको नाम प्रस्ताव गरेका थिए। उक्त प्रस्तावलाई बैठकले सर्वसम्मत रूपमा अनुमोदन गरेको झाले बताए।

सभामुखको निर्वाचन चैत २२ गते हुने तय भएको छ। रास्वपाको बहुमत रहेकाले अर्याल सभामुखमा निर्वाचित हुने लगभग निश्चित देखिएको छ।