१८ चैत,२०८२ काठमाडौं – संघीय संसद्को आगामी अधिवेशन चैत्र १९ गतेदेखि सुरु हुने तय भएपछि संघीय संसद् सचिवालयले तयारीलाई तीव्रता दिएको छ। अधिवेशनअघि आवश्यक तयारी र व्यवस्थापनबारे छलफल गर्न सचिवालयले सर्वदलीय बैठक आह्वान गरेको छ। बैठक आज दिउँसो १ बजे सिंहदरबारस्थित संसद् सचिवालयमा बस्नेछ।

उक्त बैठकमा विभिन्न राजनीतिक दलका प्रतिनिधि, सरकारका प्रतिनिधि तथा संघीय संसद् सचिवालयका अधिकारीहरू सहभागी हुनेछन्। बैठकमार्फत अधिवेशन सञ्चालन, कार्यसूची व्यवस्थापन र संसद्को प्रभावकारी सञ्चालनबारे छलफल हुने अपेक्षा गरिएको छ।

हाल प्रतिनिधिसभामा राष्ट्रिय स्वतन्त्र पार्टी, नेपाली कांग्रेस, नेकपा एमाले, नेपाली कम्युनिष्ट पार्टी, श्रम संस्कृति पार्टी, राष्ट्रिय प्रजातन्त्र पार्टी र एक स्वतन्त्र सांसदको प्रतिनिधित्व रहेको छ।