१५ चैत,२०८२ काठमाडौं – भदौ २३–२४ मा भएको जेनजी आन्दोलनसम्बन्धी जाँचबुझ आयोगको प्रतिवेदन कार्यान्वयनका लागि जिल्ला प्रहरी परिसर काठमाडौँमा प्रक्रिया अघि बढाइएको छ। जिल्ला प्रहरी परिसर काठमाडौँका प्रवक्ता एसपी पवनकुमार भट्टराईका अनुसार प्रतिवेदन कार्यान्वयनको काम तत्काल सुरु हुने भएको छ।

पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदनका आधारमा केपी शर्मा ओली र रमेश लेखक प्रहरी हिरासतमा रहेका छन्। प्रहरीका अनुसार प्रतिवेदनमा उल्लेख भएका थप व्यक्तिहरूको पहिचान र पक्राउ प्रक्रिया पनि अघि बढाइनेछ। सरकारले सुरक्षा संयन्त्रबारे थप अध्ययन गरेपछि प्रतिवेदन कार्यान्वयनलाई तीव्र बनाइने बताइएको छ।

हाल सम्बन्धित व्यक्तिहरूमाथि अनुसन्धान र नियन्त्रणको प्रक्रिया जारी रहेको प्रहरीले जनाएको छ।