८ चैत,२०८२ काठमाडौं-  निर्वाचन आयोगले प्रतिनिधिसभा सदस्य निर्वाचन २०८२ को मत परिणामसहितको विस्तृत प्रतिवेदन प्रधानमन्त्री सुशीला कार्कीसमक्ष पेश गरेको छ।

आयोगका कार्यवाहक प्रमुख निर्वाचन आयुक्त रामप्रसाद भण्डारीको नेतृत्वमा आयुक्तहरू डा. जानकी कुमारी तुलाधर र सगुन शम्शेर जबरा तथा आयोगका सचिव कृष्णबहादुर राउतसहितको टोलीले बालुवाटार पुगेर उक्त प्रतिवेदन बुझाएको हो।

प्रतिवेदन बुझाउने कार्यक्रममा गृहमन्त्री, कानुनमन्त्रीलगायतका मन्त्रीहरूको समेत उपस्थिति रहेको थियो।

निर्वाचन आयोगले प्रस्तुत गरेको प्रतिवेदनमा निर्वाचन प्रक्रियादेखि मत परिणामसम्मका सम्पूर्ण विवरण समेटिएको जनाइएको छ।