६ चैत,२०८२ काठमाडौं- चीनले आफ्नो आन्तरिक माग सुरक्षित गर्न कृषि मलको निर्यात कटौती गरेको छ। रोयटर्स समाचार एजेन्सीका अनुसार चीनले नाइट्रोजन–पोटासियम मलको मिश्रण र फस्फेटका केही उत्पादनहरूको निर्यातमा रोक लगाएको छ।

गत वर्षको तुलनामा करिब ४ करोड मेट्रिक टन मलको निर्यात रोकेको चीनले युरियाको निर्यातमा अझै प्रतिबन्ध जारी राखेको छ। हालबाट केवल अमोनियम सल्फेट मात्र निर्यात हुने व्यवस्था गरिएको छ।

विशेषज्ञहरूले चीनको निर्यात कटौती र इजरायल–इरान युद्धका कारण पहिले नै अभाव झेलिरहेका देशहरूमा खाद्य उत्पादनमा समस्या थपिने संकेत दिएको बताएका छन्। चीन विश्वको सबैभन्दा ठूलो मल निर्यातक देश हो, जसले विश्वव्यापी कृषिजन्य उत्पादनमा ठूलो प्रभाव पार्ने छ।