३ चैत,२०८२ काठमाडौं- साता कारोबारको तेस्रो दिन मंगलबार शेयर बजारमा सुधार देखिएको छ। नेपाल स्टक एक्सचेञ्ज (NEPSE) परिसूचक १३.५१ अंकले बढेर २८१२.३४ बिन्दुमा पुगेको छ।

आज ३४० कम्पनीका तीन करोड ४८ लाख ५२ हजार कित्ता शेयर किनबेच हुँदा कुल १२ अर्ब तीन करोड ४४ लाख रुपैयाँ बराबरको कारोबार भएको छ। कारोबारमा बैंकिङ, विकास बैंक, हाइड्रोपावर, इन्भेष्टमेन्ट, म्यानुफ्याक्चरिङ र म्युचुअल फण्ड उप–सूचकमा हरियाली देखिएको छ।

आज १३२ कम्पनीको शेयरमूल्य बढ्दा ११३ कम्पनीको घटेको छ। यस क्रममा रिलायन्स स्पिनिङ मिल्स लिमिटेड र सोलु हाइड्रोपावर लिमिटेड लगायतका कम्पनीको शेयरमूल्यमा सकारात्मक सर्किट लागेको छ।