३ चैत,२०८२ काठमाडौं- राष्ट्रिय स्वतन्त्र पार्टी (रास्वपा) ले नवनिर्वाचित प्रतिनिधि सभा सदस्यका लागि दुई दिवसीय अभिमुखीकरण कार्यक्रम सुरु गरेको छ। कार्यक्रमको उद्घाटन उपसभापतिद्वय डिपी अर्याल र डा. स्वर्णिम वाग्ले ले घण्टी बजाएर गरेका थिए।

दुवै उपसभापतिले सम्बोधन गर्दै रास्वपाले पाएको ऐतिहासिक जनादेशको सम्मान गर्दै सम्हालिएर देशको नेतृत्व गर्ने जिम्मेवारी आएको बताएका थिए। भोलीसम्म चल्ने अभिमुखीकरण कार्यक्रममा समुहमा छलफल, संसदको संरचना, अधिकार र जिम्मेवारी, कानुन निर्माण प्रक्रियामा सांसदको भूमिका, चुनावी प्रतिवेदन प्रस्तुति र छलफल, साथै विभिन्न विषयका विज्ञको प्रस्तुति हुने जानकारी दिइएको छ।