काठमाडौंमा दुई गाडीमा आगजनी

प्रकाशित मिति

२०८२ फाल्गुन १९ गते, मंगलवार १०:५६

काठमाडौं । राजधानीको महाराजगन्ज र नैकाप क्षेत्रमा दुईवटा गाडीमा आगजनी भएको छ।

नैकापस्थित सिप्रदी ट्रेडिङ कार्यालय नजिकै टोयोटा कार र महाराजगन्जमा राजधानी पेट्रोल पम्प नजिक मारुती भ्यान आगो लागेको अवस्थामा फेला परेको जिल्ला प्रहरी परिसर काठमाडौं का एसपी पवन भट्टराईले जानकारी दिए।

एसपी भट्टराईका अनुसार फागुन २१ मा हुने प्रतिनिधिसभा निर्वाचन बिथोल्न सक्रिय समूहले आगजनी गरेको आशंका गरिएको छ। घटनास्थलमा दुर्गा प्रसाईँ समूहको पर्चा भेटिएको छ। प्रहरीले घटनाको बिस्तृत अनुसन्धान गरिरहेको छ।