२५ माघ,२०८२ काठमाडौं – आईसीसी टी–२० विश्वकपअन्तर्गत मुम्बईको वानखेडे रंगशालामा जारी खेलमा नेपालले इंग्ल्याण्डविरुद्ध टस हारेर पहिले फिल्डिङ गरिरहेको छ।

खेलको ६ ओभर १ बलमा सन्दीप लामिछानेले टम ब्यान्टनलाई एलबीडब्लू आउट गर्दै इंग्ल्याण्डको तेस्रो विकेट दिलाएका छन्। ब्यान्टनले ५ बलमा २ रन बनाएका थिए।

नेपालको प्लेइङ–११ मा कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्शन झा, करण केसी, शेर मल्ल, नन्दन यादव र सन्दीप लामिछाने छन्।

इंग्ल्याण्डको टोलीमा फिल साल्ट, जस बट्लर, ज्याकब बेथेल, टम ब्यान्टन, ह्यारी ब्रुक, विल ज्याक्स, साम करान, लियाम डसन, आदिल राशिद, जोफ्रा आर्चर र लुक वूड रहेका छन्। नेपाल समूह ‘सी’ मा इंग्ल्याण्ड, वेस्ट इण्डिज, इटाली र स्कटल्यान्डसँगै रहेको छ।