२३ माघ,२०८२ काठमाडौं – नेपाल राष्ट्र बैंकले आजका लागि विदेशी मुद्राको विनिमयदर निर्धारण गर्दै सार्वजनिक गरेको छ। निर्धारण गरिएको दरअनुसार अमेरिकी डलर एकको खरिददर १४४ रुपैयाँ २८ पैसा र बिक्रीदर १४४ रुपैयाँ ८८ पैसा कायम गरिएको छ।

राष्ट्र बैंकका अनुसार युरोपियन युरो एकको खरिददर १७० रुपैयाँ ११ पैसा र बिक्रीदर १७० रुपैयाँ ८२ पैसा तोकिएको छ भने युके पाउण्ड स्ट्रलिङ एकको खरिददर १९६ रुपैयाँ ३१ पैसा र बिक्रीदर १९७ रुपैयाँ १२ पैसा रहेको छ। स्वीस फ्रयाङ्क एकको खरिददर १८५ रुपैयाँ ५५ पैसा र बिक्रीदर १८६ रुपैयाँ ३२ पैसा कायम गरिएको छ।

अष्ट्रेलियन डलर एकको खरिददर १०१ रुपैयाँ ७३ पैसा र क्यानेडियन डलर एकको १०५ रुपैयाँ ४३ पैसा निर्धारण गरिएको छ। सिङ्गापुर डलर एकको खरिददर ११३ रुपैयाँ २८ पैसा रहेको छ।

जापानी येन १० को खरिददर ९ रुपैयाँ १८ पैसा, चिनियाँ युआन एकको २० रुपैयाँ ७९ पैसा, साउदी रियाल एकको ३८ रुपैयाँ ४७ पैसा र कतारी रियाल एकको ३९ रुपैयाँ ५८ पैसा तोकिएको छ।

त्यसैगरी थाइ भाट, युएई दिराम, मलेसियन रिङ्गेट, साउथ कोरियन वन, स्वीडिस क्रोनर र डेनिस क्रोनरको पनि छुट्टाछुट्टै विनिमयदर निर्धारण गरिएको राष्ट्र बैंकले जनाएको छ।

हङकङ डलर, कुवेती दिनार, बहराइन दिनार र ओमानी रियालको दर समेत सार्वजनिक गरिएको छ। भारतीय रुपैयाँ एक सयको खरिददर १६० रुपैयाँ र बिक्रीदर १६० रुपैयाँ १५ पैसा कायम गरिएको छ।

राष्ट्र बैंकले आवश्यकतानुसार विनिमयदर जुनसुकै समयमा संशोधन गर्न सकिने जनाएको छ। वाणिज्य बैंकहरूले तोक्ने दर भने फरक हुन सक्ने बताइएको छ।