आज राष्ट्रिय सभाको बैठक बस्दै, यस्तो छ कार्यसूची

प्रकाशित मिति

२०८२ माघ १३ गते, मंगलवार ०९:३४

१३ माघ,२०८२ काठमाडौं – आज राष्ट्रिय सभाको बैठक बस्दैछ । संघीय संसद सचिवालयका अनुसार बैठक दिउँसो १ः१५ बजेदेखि सिंहदरबारमा बस्नेछ । आजको बैठकमा विधायन व्यवस्थापन समितिकी सभापति तुलसा कुमारी दाहालले चलचित्र विधेयक, २०८१ सम्बन्धी समितिको प्रतिवेदन पेश गर्ने कार्यसूची रहेको छ ।

त्यसैगरी, संघीयता सबलीकरण तथा राष्ट्रिय सरोकार समितिका सभापति सोनाम गेल्जेन् शेर्पाले आर्थिक वर्ष २०८१/८२ को संघीयता सबलीकरण तथा राष्ट्रिय सरोकार समितिको वार्षिक प्रतिवेदन पेश गर्ने कार्यक्रम रहेको संघीय संसद सचिवालयले जनाएको छ ।