६ माघ,२०८२ काठमाडौं – प्रतिनिधि सभा सदस्यको लागि प्रत्यक्ष निर्वाचनमा आज साँझ ५ बजे सम्म कुल २,६५५ उम्मेदवारी दर्ता भएका छन्। यसमा महिलाको संख्या मात्र ३०३ रहेको छ भने पुरुष उम्मेदवारको संख्या २,३५२ रहेको निर्वाचन आयोगले जनाएको छ।

निर्वाचन आयोगका अनुसार, साँझ ५ बजेपछि पनि मुख्य निर्वाचन अधिकृत र निर्वाचन अधिकृतको कार्यालय प्रवेश गर्ने उम्मेदवारहरूले दर्ता गराउन पाउनेछन्, र कतिपय जिल्लामा रातिसम्म पनि उम्मेदवारी दर्ता हुने सम्भावना रहेको छ।

यसअघि समानुपातिक प्रणालीतर्फको मनोनयन गत पुस १३ र १४ गते भइसकेको छ। २७५ सदस्यीय प्रतिनिधि सभामा ११० सदस्य समानुपातिक तर्फ र १६५ सदस्य प्रत्यक्ष निर्वाचन प्रणालीतर्फ निर्वाचित हुनेछन्।