काठमाडौँ — जेनजी आन्दोलनका क्रममा भएको दमन र विध्वंसबारे छानबिन गरिरहेको जाँचबुझ आयोगको म्याद बुझ्न अस्वीकार गरेका नेपाली कांग्रेस सभापति शेरबहादुर देउवा र नेकपा संयोजक पुष्पकमल दाहाल ‘प्रचण्ड’ ले सार्वजनिक सूचना प्रकाशित गर्ने चेतावनीपछि अन्ततः पत्र बुझेका छन्।

आयोगले धारणा बुझ्नका लागि पत्र पठाएको भए पनि दुवै नेताले आफू आन्दोलनका बेला सत्तामा नरहेको र पीडितसमेत भएको भन्दै सुरुमा म्याद स्वीकार गरेका थिएनन्। आयोगले पत्र नबुझे सार्वजनिक सूचना निकाल्ने र असहयोगको विवरण प्रतिवेदनमा समावेश गर्ने चेतावनी दिएपछि दुवैजनाले केही घण्टाको फरकमा म्याद बुझेका हुन्।

हालसम्म आयोगमा उपस्थित हुने वा लिखित जवाफ पठाउने भन्ने विषयमा कुनै निर्णय भइसकेको छैन।