१७ पुस,२०८२ काठमाडौं — नेपालमा हाल पश्चिमी वायुको आंशिक प्रभाव देखिएको छ । यसको असरले पश्चिमी भू–भागमा आंशिक बदली भएको छ भने पूर्वी क्षेत्रमा मौसम प्रायः सफा रहेको छ ।

जल तथा मौसम विज्ञान विभागका अनुसार कर्णाली, सुदूरपश्चिम र गण्डकी प्रदेशका पहाडी तथा हिमाली क्षेत्रमा बादल देखिएको छ । उच्च हिमाली भू–भागका एक–दुई स्थानमा हल्का हिमपातको सम्भावना रहेको छ ।

तराई–मधेशमा बिहानपख हुस्सु र कुहिरो लाग्ने क्रम जारी रहनेछ । पश्चिमी वायु कमजोर भएकाले वर्षाको सम्भावना भने छैन । घाम कम लाग्दा चिसो अझै बढ्ने मौसमविद्को भनाइ छ ।