३ पुस,२०८२ काठमाडौं— नेकपा एमालेको नयाँ नेतृत्व चयनका लागि भएको निर्वाचनको मतदान सम्पन्न भएको छ। निर्वाचन आयोगले भृकुटीमण्डपमा मतगणनाको तयारी भइरहेको र केही बेरमै गणना सुरु हुने जनाएको छ।

नयाँ नेतृत्व चयनका लागि कुल २ हजार २६३ प्रतिनिधिमध्ये २ हजार २७ जनाले मतदान गरेका छन् भने ३६ जना अनुपस्थित रहेका छन्। मतदानका लागि ८० वटा विद्युतीय भोटिङ मेसिन प्रयोग गरिएको थियो।

मतगणनाका लागि सबै ८० वटै मेसिनको छुट्टाछुट्टै मुचुल्का तयार गरिँदैछ। प्रक्रिया पूरा भएपछि मतगणना सुरु गरिने निर्वाचन आयोगले जनाएको छ। निर्वाचन आयोगका उपाध्यक्ष सानुराज पोखरेलका अनुसार मतगणना सुरु भएको करिब तीन घण्टाभित्र परिणाम सार्वजनिक हुने अपेक्षा गरिएको छ।