कात्तिक ११, २०८२ काठमाडौं— भारतीय मौसम विभागका अनुसार बंगालको खाडीमा सक्रिय चक्रवात ‘मोन्था’ आज (मंगलबार) गम्भीर चक्रवाती आँधीमा परिणत हुँदैछ। यसको प्रभावले आन्ध्र प्रदेश र तमिलनाडुका केही भागमा भारी वर्षा गराउने सम्भावना छ।

चक्रवात आज बेलुका वा रातमा आन्ध्र प्रदेशको काकिनाडा र कलिंगपट्टनमबीचको तट पार गर्ने अनुमान गरिएको छ, जसका बेला हावाको गति ९०–१०० किलोमिटर प्रतिघण्टा पुग्नेछ।

मौसमविद्हरूका अनुसार ‘मोन्था’को प्रभाव नेपालमा पनि देखिनेछ। बंगालको खाडीबाट विकसित भएको यो प्रणाली बिहीबारपूर्व पूर्वी नेपाल (कोशी र मधेश प्रदेश हुँदै मध्य नेपालसम्म) सक्रिय हुने पूर्वानुमान गरिएको छ।