काठमाडौं, भदौ ५ — प्रधानमन्त्री सुशीला कार्कीले आफ्नो मन्त्रीमण्डल विस्तार गर्नेक्रममा पाँच नयाँ मन्त्रीहरूको नाम राष्ट्रपति समक्ष सिफारिस गरेकी छन्। साँझ बसेको आन्तरिक छलफलपछि पूर्वन्यायाधीश, पत्रकार, वैज्ञानिक र प्रशासनिक क्षेत्रमा अनुभवी व्यक्तिहरूलाई समेटेर उनले नयाँ टोली सिफारिस गरेकी हुन्।

सिफारिस अनुसार मन्त्री बन्ने प्रस्तावित पाँच व्यक्तिहरुमा पूर्वन्यायाधीश अनिल कुमार सिन्हा, वरिष्ठ पत्रकार जगदीश खरेल, अतिरिक्त सचिव डा. संगिता मिश्रा, वैज्ञानिक महावीर पुन, र राज्य पुनर्संरचनाका पूर्वसंयोजक डा. मदन परियार रहेका छन्।

राष्ट्रपतिको कार्यालयका अनुसार मन्त्रीहरूको नियुक्ति र शपथग्रहण कार्यक्रम भोलि मात्रै हुने भएको छ।