असोज १, २०८२ काठमाडौं – अमेरिकी राष्ट्रपति डोनाल्ड जे. ट्रम्पले भारतका प्रधानमन्त्री नरेन्द्र मोदीलाई फोन गरेर ७५औँ जन्मदिनको शुभकामना दिएका छन्। मोदीले सामाजिक सञ्जालमार्फत ट्रम्पलाई धन्यवाद दिँदै भारत–अमेरिका व्यापक र वैश्विक साझेदारीलाई नयाँ उचाइमा पुर्‍याउन प्रतिबद्ध रहेको बताएका छन्। उनले भने, “धन्यवाद, मेरो मित्र राष्ट्रपति ट्रम्प, फोन गरेर जन्मदिनको शुभकामना दिनुभएकोमा। तपाईंझैँ म पनि भारत–अमेरिका साझेदारीलाई थप मजबुत बनाउन पूर्णतया प्रतिबद्ध छु।”

साथै, उनले युक्रेन द्वन्द्वको शान्तिपूर्ण समाधानका लागि ट्रम्पले अघि सारेका पहलप्रति भारतले समर्थन जनाउने स्पष्ट पारे। कर र व्यापारका विषयमा भारत र अमेरिकाबीच हालै देखा परेका असहमतिकाबीच आएको यो शुभकामनालाई दुई देशबीचको सम्बन्धका दृष्टिले महत्वपूर्ण संकेतका रूपमा लिइएको छ।