असोज १, २०८२ काठमाडौं – सरकारले आज शोक दिवस मनाउँदै देशभर सार्वजनिक बिदा दिएको छ। तर मन्त्रीपरिषद् तथा प्रधानमन्त्रीको कार्यालयको झन्डा भने बिहान १० बजेसम्म पनि झुकाइएको थिएन।

प्रधानमन्त्री कार्यालयमा खटिएका सुरक्षा कर्मीका अनुसार कार्यालयमा कर्मचारी उपस्थित नभएको र ढोका बन्द रहेको कारण झन्डा झुकाउन ढिलाइ भएको हो।

सरकारले जेन–जी आन्दोलनका क्रममा निधन भएका व्यक्तिहरुप्रति श्रद्धाञ्जलीस्वरूप असोज १ गतेलाई शोक दिवस घोषणा गर्दै सार्वजनिक बिदा दिने निर्णय गरेको थियो। तर सरकारी कार्यविधि अनुसार निर्धारित समयमा झन्डा नझुकाइनु जनस्तरमा आलोचनाको विषय बनेको छ।